ავტო დაზღვევა

ავტო დაზღვევის პოლისი გვთავაზობს ჩვენს საკუთრებაში ან სარგებლობაში მყოფი ავტომობილის დაზღვევას ავარიებისგან, ბოროტგანზრახული შემთხვევებისგან, სტიქიური მოვლენებისგან, მინებისა და სარკეების დაზიანებისაგან და   საგნების ვარდნისგან. დააზღვიეთ ავტომობილი და იმგზავრეთ მშვიდად!   საქართველოში ავტო დაზღვევით მოსახლეობის მცირე ნაწილი სარგებლობს,  თუმცა ამ სერვისის მნიშვნელობას უფრო და უფრო მეტი ადამიანი იაზრებს და მოთხოვნაც დღითი დღე იზრდება.

ავტო დაზღვევის პოლისის მისაღებად მხოლოდ სამი რამ გჭირდებათ:

• იყოთ სრულწლოვანი.
• გქონდეთ საკუთარი ავტომობილი.
• გაგაჩნდეთ მართვის მოწმობა

რატომ არის მნიშვნელოვანი ავტო დაზღვევა და რა რისკებისგან გვიცავს?

როგორც უკვე მოგახსენეთ, ავტო დაზღვევით სარგებლობის დროს თქვენ ნებისმიერ შემთხვევაში აგინაზღაურდებათ ხარჯები, მაგალითად, ხართ სამსახურში, თქვენი ავტომობილი გაჩერებულია ქუჩაში და სამსახურიდან გამოსვლისას ამჩნევთ, რომ თქვენ მანქანას გვერდზე აქვს „გასმული,“ რეკავთ თქვენ სადაზღვეო კომპანიაში და შემდგომ გინაზღაურდებათ ამ დაზიანებით გამოწვეული ხარჯები. კომპანია როგორც სხვა პირისგან ან სხვა მოვლენით გამოწვეულ ხარჯებს გინაზღაურებთ, ასევე გინაზღაურებთ ხარჯებს იმ შემთხვევაშიც, თუ კი თქვენ მოგივიდათ ავარია. მაგალითად, გეჩქარებათ და ცდილობთ საცობიდან თავის დაღწევას ან ეჯახებით სხვა მანქანას, ამ შემთხვევაშიც დამზღვევი კომპანია ვალდებულია აგინაზღაუროთ ხარჯები, ამგვარად, დამზღვევი კომპანიები გვთავაზობენ ზარალის ანაზღაურებას თუ კი მოხდა შემდეგი:

• ავტოსაგზაო შემთხვევა
• სტიქიამ დააზიანა თქვენი ავტომობილი
• ძარცვა/ქურდობა/ყაჩაღობა
• სხვადასხვა საგნის დაცემა
• უბედური შემთხვევები
• ცალკეული აქსესუარების დაკარგვისა ან დაზიანების შემთხვევა.

მანქანის დაზღვევის სხვადასხვა პაკეტები

საქართველოში რამდენიმე სადაზღვეო კომპანია არსებობს, რომლებიც ავტო დაზღვევას გვთავაზობენ, თითოეულ მათგანს განსხვავებული პოლისი და ფასი აქვს. მაგრამ კატეგორიებს, თუ რითი ხასიათდებიან ეს პოლისები, ამ პარაგრაფში გაჩვენებთ.

„Casco“ პოლისი  

მანქანის დაზღვევა, რომელიც მხოლოდ თქვენ ავტომობილს აზღვევს და მისი ფიზიკური დაზიანების შემთხვევაში, ზიანის თანხის განსაზღვრა ხდება აღდგენითი ღირებულების ოდენობით.

 „MPA“ პლისი

მოიცავს მძღოლისა და მგზავრების უბედური შემთხვევისგან დაზღვევას. მარტივად რომ ვთქვათ, ამ ტიპის პოლისით სარგებლობის დროს დაზღვეულნი არიან მგზავრობისას მომხდარი უბედური შემთხვევისგან მძღოლი და მგზავრები, რომლებიც თქვენი ავტომობილით გადაადგილდებიან. ამ პოლისით სარგებლობისას ანაზღაურდება დაზარალებულთა პირების მკურნალობის ხარჯებიც. გარდაცვალების შემთხვევაში, თანხა უნაზღაურდება გარდავლილის კანონიერ მემკვიდრეს.

„MTPL“ პოლისი 

ამ ტიპის პოლისი გვთავაზობს მესამე პირის დაზღვევას, დავუშვათ და მოხდა უბედური შემთხვევა, რის შემდეგაც თქვენი ავტომობილით სხვას შეუქმენით ჯანმრთელობის ან ქონების პრობლემა, სადაზღვეო კომპანია გადაუხდის დაზარალებულ პირს დაზიანებული ქონების (თუნდაც ავტომობილის) აღდგენის ან დაზარალებული პირის მკურნალობის ხარჯებს.
აღსანიშნავია ის ფაქტი, რომ თქვენ შეგიძლიათ ისარგებლოთ „MTPL, MPA“ დაზღვევით იმ შემთხვევაშიც, თუ კი „Casco” პოლისით არ სარგებლობთ.

როგორ უნდა მოიქცეთ იმ შემთხვევაში თუ თქვენი ავტომობილი დაზიანდა?

• აუცილებელია დაუკავშირდეთ სადაზღვევო კომპანიას და ამცნოთ შექმნილი ვითარება.
• ადგილზე დარჩით და დაელოდეთ სადაზღვევო კომპანიიდან გამოსულ ჯგუფს, დაზიანებების აღსაწერად.
• არ გადააადგილოთ დაზღვეული ავტომობილი შემთხვევის ადგილიდან თუ რაღა თქმა უნდა სამართალდამცავებმა არ მიგითითეს.
• დაუკავშირდით საპატრულო პოლიციას

მიკრო სესხი

ჩვენ ცხოვრებაში ხშირად  გვაქვს ისეთი მომენტები, როდესაც ფინანსურად ძალიან გვიჭირს, მოულოდნელად თავს იჩენს გაუთვალისწინებელი ხარჯები, რისი გადახდის საშუალებაც არ

სესხი საკრედიტო ისტორიის გარეშე

საქართველოს ფინანსურ ბაზარზე არსებობს მრავალი კრედიტ კომპანია, რომელიც გვთავაზობს ონლაინ სესხს საკრედიტო ისტორიის გარეშე. ეს ფაქტორი ბევრ კომპანიას ეხმარება პოპულარიზ

მომენტალური სესხები

დღესასწაული მოდის, აღნიშვნა გსურთ, დაიღალეთ გაუთავებელი მუშაობით და დასვენება გსურთ, მაგრამ საკმარისი თანხა არ გაქვთ? მაშინ მომენტალური სესხი თქვენთვის არის განკუთვნი

უპროცენტო სესხები

სწრაფი სესხები პოპულარულობით სარგებლობს საქართველოს ფინანსურ ბაზარზე, სწორედ ამიტომ საკრედიტო კომპანიებმა დაიწყეს პირველი სესხის უფასოდ გაცემა. რას ნიშნავს უფასოდ გაც

რა ღირს ავტო დაზღვევა საქართველოში?

სტატისტიკით თუ ვიმსჯელებთ, მანქანის დაზღვევა საქართველოში განვითარებული არ არის, რაც ძალიან სამწუხაროა. პროცენტული მაჩვენებლით ავტოპარკის მხოლოდ 4.8%-ია დაზღვეული, რაც ძალიან დაბალია.

ავტომობილის დაზღვევა შეუძლია ნებისმიერ პირს, რომელიც არის 21 წლის ან უფრო მეტის. სადაზღვევო კომპანიები პოლისის ღირებულებას სხვადასხვა კრიტერიუმებით აფასებენ. უფრო კონკრეტულად, ავტომობილის მართვის გამოცდილების, ავტომობილის ღირებულებისა და თქვენი ყოველთვიური შემოსავლის მიხედვით. საშუალოდ, მანქანის დაზღვევის გადასახადის ღირებულება იწყება ავტომობილის ფასის 2.5%-დან, შემდეგ დამოკიდებულია თუ როგორი ტიპის დაზღვევა გსურთ (Casco, MTPL, MPA). ავტო დაზღვევის სასურველი პაკეტის შეძენის შემდეგ, გადასახდელ თანხას ანაწილებთ თვეებზე ან სრულად ფარავთ.

ავტო დაზღვევის კალკულატორი - გამოთვალეთ ხარჯები მარტივად

რა არის ავტო დაზღვევის კალკულატორი და როგორ მუშაობს?
ეს არის პროგრამა, რისი საშუალებითაც შეგიძლიათ გაიგოთ პოლისის ღირებულება და ყოველთვიური გადასახადი. თქვენ უთითებთ ავტომობილის ღირებულებას, გამოშვების წელს, ავტომობილის ტიპს, გადახდის გრაფიკსა და ფრანშიზას, ამ ყველაფერს ერთად აჯამებს და გითვლით თუ რა თანხა გექნებათ გადასახდელი ავტო დაზღვევით სარგებლობის შემთხვევაში. რა არის ფრანშიზა? ეს არის მინიმალური თანხა, რომელიც არ ანაზღაურდება სადაზღვევო კომპანიის მიერ. მარტივად რომ აგიხსნათ, უმჯობესია გადაიხადოთ მეტი თანხა და არ გქონდეთ ფრანშიზა, ვიდრე შედარებით ნაკლები და ფრანშიზა არ დაგიფინანსონ. მაგალითად, იყიდეთ პოლისი 2000 ლარად, მაგრამ ფრანშიზა გაქვთ 500$-იანი, ავტოსაგზაო შემთხვევის შემდეგ თუ ზარალი 500$-ზე ნაკლები იქნება, ამას სადაზღვევო კომპანია არ განიხილავს და თქვენი გადასახდელი იქნება ან დავუშვათ და 600$-იანი ზიანი გაქვთ მოყენებული, კომპანია მხოლოდ 100$-ს გადაიხდის და დარჩენილ 500$-ს თქვენ. ამ ყველაფრის დათვლაში გვეხმარება კალკულატორი. შედიხართ სადაზღვევო კომპანიის ვებ გვერდზე, ავსებთ კალკულატორში არსებულ ყველა ველს და გებულობთ ღირებულებას.